miércoles, 23 de marzo de 2011

FAIGAMOS QU’ALSA USE LA TOPONIMIA OFICIAL YÁ Y TENGA LA SO WEB N’ASTURIANU

LA CAUSA DE MARZU

Esta ye la carta qu’ha mandase a la dirección alsa@alsa.es pa reclamar l’usu del asturianu na so web y el cumplimientu nel usu de la toponimia oficial.
----



A la Dirección d’ALSA n’Asturies:

El Grupu ALSA, que tuvo’l so orixe n’Asturies y caltién llazos bien importantes con esti país, incumple la llei al nun usar la toponimia oficial asturiana, na so web, nos autobuses que circulen per asturies, paraes del bus, publicidá, etc.

Ye un casu bien importante, pues la empresa ye la concesionaria de munches llinies y polo tanto ta faciendo servicios públicos sobre los que tienen la esclusividá.

Amás, na so web ufren la posibilidá de poder lleer la información en munches llingües, toles del Estáu español, menos l’asturianu.

Reclamamos, poro, al traviés del unvíu d’esti corréu, que cumplan col usu de la toponimia oficial en tolos ámbitos y reclamaos l’usu del asturianu na so páxina web, n’igualdá de concidiciones coles demás llingües.

Munches gracies pola so atención.

6 comentarios:

  1. Nel primer párrafu apaez Asturies en minúscula.

    ResponderEliminar
  2. Norabona pola iniciativa, vamos da-y difusión dende F*C. Ye bien prestosa la idega.

    Salú.

    www.frayandocadenes.blogspot.com

    ResponderEliminar
  3. Bona iniciativa,cunta col mio sofitu.
    Salú!

    ResponderEliminar
  4. Bones aiciones mensuales pola nuesa llingua. Tol mio sofitu.

    ResponderEliminar
  5. perbona iniciativa.Voi unviar la carta a ALSA.

    ResponderEliminar
  6. ¿qué más campañes tan pensades?
    Otres a les que tamién podría reclamáse-yos: Eroski,Media Market,TPA,TVE,Antena 3,IKEA,Continente,...
    El casu EROSKI:rotulen los sos productos y les sos bolses en: cast,cat,eusk y gall...pero nada del asturianu. Pémeque hebo una iniciativa empobinada a Eroski pa que punxera l'asturianu na so tienda del CC Parque Principado pero dixeron que non porque nun yera oficial.
    Continente: el de La Calzada tien o tenía dellos cartelos dientro la so superficie que sí taben n'asturianu.

    ResponderEliminar